سنڌ ۽ بلوچستان ۾ سڀاڻي کان ٻيهر برساتن جي اڳڪٿي، موسميات کاتي جو چوڻ آهي ته 14 جولاءِ کان سنڌ ۾ وڌيڪ برساتون ٿينديون، گهٽ هوا جو ڊٻاءُ شدت سان سنڌ ۾ داخل ٿيندو، سڀاڻي کان 17 جولاءِ تائين ڪراچي، حيدرآباد، بدين، ٺٽي، دادو، ٿرپارڪر، سانگهڙ ۽ ٻين شهرن ۾ تيز مينهن جو امڪان آهي، بلوچستان ۽ ڏاکڻي پنجاب ۾ به سڀاڻي کان برساتن جي اڳڪٿي ڪئي وئي آهي، زوب، زيارت، بارکان، بولان، ڪوهلو، قلات، خضدار، لسٻيلا، سبي، ڊيرا بگٽي، تربت ۽ پسني ۾ تيز مينهن وسي سگهي ٿو، چوماسي جي نئين اسپيل بابت موسميات کاتي ايڊوائزري جاري ڪري ڇڏي آهي
