اڳوڻي وزيراعظم ۽ پاڪستان تحريڪ انصاف جي چيئرمين عمران خان خلاف فوجداري ڪارروائي لاءِ اليڪشن ڪميشن جي درخواست منظور ڪئي وئي آهي
ڊسٽرڪٽ سيشن عدالت اسلام آباد ۾ ايڊيشنل سيشن جج ظفر اقبال توشه خانه ڪيس جو لکت ۾ فيصلو جاري ڪري ڇڏيو ، جنهن ۾ چيو ويو آهي ته عمران خان طرفان اثاثن ۾ توشه خانه جا تحفا لڪايا آهن، بادي النظر ۾ عمران خان جو جمع ڪرايل ڊڪلريشن غلط آهي
فيصلي ۾ چيو ويو آهي ته عمران خان گوشوارن ۾ تحفا ۽ ان جي وڪري مان حاصل رقم جا تفصيل به ظاهر ناهن ڪيا
ڊسٽرڪٽ سيشن عدالت اسلام آباد جي فيصلي ۾ چيو ويو آهي ته عمران خان اليڪشن ايڪٽ جي شق 174 جي ڀڃڪڙي جو مرتڪب ٿيو
اڳوڻي وزيراعظم خلاف شڪايت باقاعده ٻڌڻي لاءِ منظور ڪئي وڃي ٿي
لکت واري فيصلي ۾ چيو ويو آهي ته عمران خان 9 جنوري تي ٽرائل لاءِ ذاتي حيثيت ۾ پيش ٿئي