ڇا فوج بابت بيان ڏئي عمران سندن مورال ڊائون ڪرڻ چاهي ٿو؟ اسلام آباد هاءِ ڪورٽ جي چيف جسٽس اطهر من الله جا عمران خان جي تقرير تي پابندي خلاف درخواست تي ٻڌڻي دوران ريمارڪس، جسٽس اطهر من الله چيو آهي ته وڏا ذميوار ماڻهو غير ذميواراڻا بيان ڏيندا آهن؟ پيمرا کي قانون موجب ڪم ڪرڻو آهي، عدالت ڪابه مداخلت نه ڪندي، ڇا سياسي ليڊرشپ اهڙي قسم جي هوندي آهي؟ ڇا گيم آف ٿرونز لاءِ هر شئي کي داءُ تي لڳايو ويندو آهي؟ پاڪستان جون فوجون ملڪ لاءِ جان قربان ڪنديون آهن، جيڪڏهن ڪو غير قانوني ڪم ڪري ٿو ته سڀ تنقيد ڪندا آهن، پنهنجي به خوداحتسابي ڪريو ته ڇا ڪرڻ چاهيو ٿا؟ عدالت پيمرا کي سپريم ڪورٽ جي فيصلي جي روشني ۾ تقريرون ۽ بيان ريگيوليٽ ڪرڻ جو حڪم ڏيندي عمران خان جي درخواست اُڪلائي ڇڏي
