ترڪي ۽ شام ۾ زلزلي سبب فوتين جو انگ 5 هزار 151 تائين پهچي ويو آهي، ريسڪيو عملدار اڃا تائين ملبي ۾ دٻيل جيئري ماڻهن کي ڪڍڻ جي ڪوشش ڪري رهيا آهن، زلزلي کانپوءِ 120 کان وڌيڪ آفٽر شاڪس آيا آهن.
ڪجهه علائقن ۾ سخت سردي ۽ برفباري سبب متاثرن کي ڏکيائين کي منهن ڏيڻو پئجي رهيو آهي ۽ آفٽر شاڪس سبب ماڻهو خوفزده پڻ آهن. ترڪي ۽ شام ۾ 6 هزار کان وڌيڪ عمارتن کي نقصان پهتو، ترڪي ۾ 3 هزار 549 ماڻهو فوت ٿي ويا ۽ شام ۾ زلزلي سبب 1 هزار 602 ماڻهو اجل جو شڪار ٿيا، مجموعي طور تي 16 هزار کان وڌيڪ ماڻهو زخمي ٿيا