عمران خان جي صدارت هيٺ پي ٽي آءِ ترجمانن جي اجلاس ۾ عمران خان دعويٰ ڪئي ته مون کي مارڻ جو منصوبو آهي، ڏکڻ وزيرستان جي علائقي مان ٻن ماڻهن کي مون کي مارڻ جو ٽاسڪ ڏنو ويو آهي.
هن وڌيڪ دعويٰ ڪئي ته مون کي مارڻ لاءِ ٻنهي پروفيشنل قاتلن کي رقم ڏني وئي، هن وڌيڪ چيو ته مون وٽ پلان جا سمورا ثبوت موجود آهن.
عمران خان جو چوڻ هو ته هن پهريان به چيو هو ته هڪ جنوني طرفان مون کي مارڻ جو منصوبو هو، ٽن فائرنگ ڪندڙن مٿس حملو ڪري کيس مارڻ جي ڪوشش ڪئي، جي آءِ ٽي جاچ ڪري ٽن حملي آورن کي گرفتار ڪري رپورٽ پيش ڪئي. هنن چيو ته چاهي ڪيتري به ڪوشش ڪري مون تي دٻاءُ نه وجهي سگهي.
