تحريڪ انصاف چيئرمين عمران خان چيو آهي ته ڪير غلط فهمي ۾ نه رهي، پرويز الاهي اعتماد جو ووٽ وٺندو
عمران خان جي صدارت هيٺ پي ٽي آءِ پنجاب جي سينيئر قيادت جو اجلاس ٿيو، جنهن ۾ پنجاب جي وڏي وزير طرفان اعتماد جو ووٽ وٺڻ لاءِ معاملن کي حتمي شڪل ڏيڻ جو فيصلو ڪيو ويو
اسيمبلي ميمبرن سان رابطن لاءِ ريجنل تنظيمن کي ذميواري ڏني وئي، فيصلو ڪيو ويو ته اسيمبلي ميمبرن جو هوم ورڪ مڪمل ٿيندي ئي اعتماد جو ووٽ ورتو ويندو
اجلاس ۾ چيو ويو ته هارس ٽريڊنگ جون ڪوششون ناڪام بڻايون وينديون، عمران خان چيو ته وڏو وزير اعتماد جو ووٽ وٺندو، ڪو غلط فهمي ۾ نه رهي
