آمريڪي سينٽرل ڪمانڊ جي سربراهه جنرل مائيڪل ڪوريلا هائوس جي آرمڊ سروسز ڪميٽي ۾ ڳالهائيندي چيو ته پاڪستان هن وقت بجيٽ، معاشي مسئلن ۽ سياسي ڇڪتاڻ کي منهن ڏئي رهيو آهي
جنرل مائيڪل ڪوريلا چيو ته پاڪستان دهشتگردي جي چئلينج کي به منهن ڏئي رهيو آهي، سيز فائر ختم ٿيڻ کانپوءِ پاڪستان ۾ پابندي پيل تنظيم ٽي ٽي پي جا حملا وڌي رهيا آهن
آمريڪي سينٽرل ڪمانڊ جي سربراهه وڌيڪ چيو ته آمريڪا پاڪستان جي ايٽمي پروگرام مان مطمئن آهي ۽ اسان کي پاڪستان جي ايٽمي پروگرام جي سيڪيورٽي طريقيڪار تي اعتماد آهي آمريڪي آرمي چيف جنرل مائيڪل اي ڪوريلا اهو به چيو ته سندس پاڪستان جي آرمي چيف جنرل عاصم منير سان سٺا لاڳاپا آهن
