قومي ٽيم جي فاسٽ بالر حارث رئوف جي ڪبوترن کي داڻو کارائڻ جي وڊيو وائرل ٿي وئي آهي.سوشل ميڊيا تي حارث رئوف جي هڪ وڊيو وائرل ٿي رهي آهي جنهن ۾ فاسٽ بالر کي سمنڊ جي ڪناري تي ويٺل ڪبوترن کي داڻو کارائيندي ڏسي سگهجي ٿو.
وڊيو ۾ ڏسي سگهجي ٿو ته حارث رئوف سمنڊ جي ڪناري تي پرسڪون انداز ۾ ويٺو آهي ۽ سندس چوڌاري ڪبوتر آهن، جن کي هو داڻو ڏئي ٿو. فاسٽ بالر جي اها وڊيو سوشل ميڊيا تي وائرل ٿي آهي، ان تي تبصرو ڪندي هڪ صارف حارث رئوف کي ٽيگ ڪيو ۽ لکيو ته جڏهن ميچ نه ٿيندي آهي ته مزاج اهڙو هوندو آهي.هڪ صارف لکيو ته حارث پکين کي ايئن داڻو وجهي رهيو آهي، جيئن ڀارت خلاف ميچ ۾ سوريا ڪمار ياديو کان بائونڊي کائي داڻو وڌو هو.
