پي ٽي آءِ فارين فنڊنگ ڪيس جي درخواستگذار اڪبر ايس بابر چيو آهي ته هلندڙ مهيني فارين فنڊنگ ڪيس جو فيصلو محفوظ ٿي ويندو اليڪشن ڪميشن جي آفيس ٻاهران ميڊيا سان ڳالهه ٻولهه ڪندي اڪبر ايس بابر چيو ته اڄ پي ٽي آءِ حتمي دليلن جي شروعات ڪئي آهي، اميد آهي ته پي ٽي آءِ جو وڪيل 19 اپريل تائين پنهنجا دليل مڪمل ڪري وٺندو اڪبر ايس بابر چيو ته غيرقانوني 11 اڪائونٽس کي اسد قيصر، شاهه فرمان ۽ سندس قيادت آپريٽ ڪندي هئي، انهن ماڻهن کي اڪائونٽ آپريٽ ڪرڻ جو ڪو به اختيار نه هو ان موقعي تي پي ٽي آءِ جي وڪيل انور منصور جو چوڻ آهي ته فارا ڪمپني آمريڪا ۾ رجسٽرڊ آهي ايجنٽ فارا ڪمپني ۾ رجسٽرڊ آهي، ايجنٽس رجسٽرڊ ڪمپني کانسواءِ پئسا نه ٿا موڪلي سگهن، آمريڪا سان ٻٽي شهريت جو معاهدو آهي
