ڪراچي جي هڪ خانگي يونيورسٽي ۾ هڪ پروگرام ۾ ڳالهائيندي اڳوڻي ناڻي واري وزير مفتاح اسماعيل چيو ته پيٽرول تي موٽرسائيڪل سوارن کي سبسڊي ڏيڻ جي ڳالهه ڪئي وئي، بعد ۾ سوزوڪي ۽ رڪشا هلائيندڙن کي به سبسڊي ڏيڻ جي ڳالهه ڪئي وئي، سندس خيال ۾ اهو فارمولو لاڀائتو ثابت نه ٿيندو، اها ملڪ کي هلائڻ جي بدترين حڪمت عملي آهي
اڳوڻي ناڻي واري وزير جو چوڻ هو ته هو جڏهن وزير هو ته آءِ ايم ايف سان ڳالهايو هو، اسان قرض وٺي عوام کي سستو پيٽرول ڏئي رهيا هئاسين، آءِ ايم ايف کي چيو ته غلط بياني نه ڪنداسين، پوءِ مون کي هٽايو ويو ۽ اسحاق ڊار ٻيهر معاهدي جي ڀڃڪڙي ڪئي
سندس وڌيڪ چوڻ هو ته آءِ ايم ايف معاهدي جي ٽي ڀيرا ڀڃڪڙي ڪئي وئي آهي، هاڻي آءِ ايم ايف کي پئسا ڏيڻ لاءِ دل ناهي لڳي، هاڻي آءِ ايم ايف کي پاڪستان تي ٿورو اعتماد آهي، هاڻي آءِ ايم ايف پهريان ٻين ملڪن کان سيڙپڪاري آڻڻ جي ڳالهه ڪري رهيو آهي مفتاح اسماعيل چيو ته جيڪڏهن پاڪستان ڊيفالٽ ٿيو ته اهو پاڪستان لاءِ انتهائي خطرناڪ هوندو، اشرافيه ته سٽ سهي ويندي پر غريب عوام لاءِ تمام گهڻا مسئلا ٿيندا
