پي ٽي آءِ چيئرمين عمران خان تي قاتلاڻو حملو ڪندڙ جوابدار نويد جي موبائيل فون جي فارنزڪ رپورٽ سامهون اچي وئي آهي
فارنزڪ رپورٽ موجب جوابدار نويد جي فون مان ٻن مختلف ڪمپمنين جون سمون هٿ آيون آهن، جوابدار وٽ هڪ نمبر ” نه آهي، نه هوندو نه رهندو جي “ جي نالي سان سَيو هو، فون مان 138 فون نمبرن ۽ 1869 ڪالز جو رڪارڊ مليو آهي
رپورٽ موجب جوابدر جي فون مان 337 ايس ايم ايس، 1956 تصويرون ۽ 212 وڊيوز مليا آهن جڏهن ته جوابدار جي فون مان ڊيليٽ ڪيل ڊيٽا ريڪور نه ٿي سگهي آهي
رپورٽ ۾ ڄاڻايو ويو آهي ته جوابدار نويد جي فون جي آڊيو ۽ وڊيو جي ڊي وي ڊي ٺاهي جي آءِ ٽي جي حوالي ڪئي وئي آهي
رپورٽ ۾ جوابدار جي فون ۾ ٿائيلينڊ جو هڪ نمبر ۽ ٻن مقامي نمبرن کي جاچ لاءِ اهم قرار ڏنو ويو آهي