عمران خان کي گرفتار ڪيو وڃي، فارن فنڊنگ ڪيس ڇو نٿو اڪلايو وڃي، شهباز شريف غير ضروري شرافت ڏيکاري رهيو آهي، عمران خان جي اقتدار ۾ اچڻ جي خواهش پوري ڪرڻ نه ڏني ويندي: جي يو آءِ سربراهه مولانا فضل الرحمان جون بنون ۾ ميڊيا سان ڳالهيون، چيائين عمران خان ملڪ کي تباهه ڪرڻ واري ايجنڊا تي آيو هو، اڳوڻو وزيراعظم پنهنجي حد ۾ رهي، جمعيت جا ڪارڪن سندس لاءِ زمين ايتري گرم ڪري ڇڏيندا جو يوٿيا پير به رکي نه سگهندا، پي ٽي آءِ اڳواڻ فواد چوڌري ردعمل ڏيندي چيو آهي ته مولانا فضل الرحمان بنادير ڪنهن نفسياتي ماهر سان مشورو ڪري، ذهني دٻاءَ ۾ گهٽتائي جي دوا وٺي، نه ته کيس جيل جي اسپتال منتقل ڪرڻو پوندو، مولانا جي اکين مان خبر پئي ٿي ته راتين جو سمهي نه ٿو سگهي
