مذهبي معاملن واري وزارت 2022ع حج اڏامن جو شيڊول جاري ڪري ڇڏيو آهي، پهرين حج اڏام 6 جون تي اسلام آباد کان رواني ٿيندي.مذهبي معاملن واري وزارت جي ترجمان موجب 106 حج اڏامن ذريعي 32 هزار حاجين کي سعودي عرب روانو ڪيو ويندو.اسلام آباد کان مڪه روٽ پروجيڪٽ تحت 42 اڏامون هلايون وينديون، فلائيٽ شيڊيول ويب سائيٽ تي پوسٽ ڪيو ويو آهي، حج پانڌيئڙن کي موبائل پيغام جاري ڪيا ويا آهن.حج پانڌيئڙا شيڊول تي سختي سان عمل ڪن ته جئين ڪنهن به پريشاني کان بچي سگهجي
