جاپان جو اڳوڻو وزير اعظم شِنزو اَيبَي قتل، جاپان جي نارا واري علائقي ۾ چونڊ مهم دوران تقرير ڪندي 67 ورهين جي شِنزو اَيبَي تي فائرنگ ڪئي وئي، شِنزو اَيبَي کي سيني ۾ ٻه گوليون لڳيون، زخمي ٿيڻ وقت شِنزو اَيبَي کي دل جو دورو به پيو، ٻه ڀيرا وزير اعظم رهندڙ شِنزو اَيبَي کي ڳڻتي جوڳي حالت ۾ اسپتال داخل ڪيو ويو، جتي سندس ساهه جو سڳو ٽٽي پيو، شِنزو اَيبَي تي حملي جي شڪ ۾ پوليس هڪ ڄڻي کي گرفتار ڪري ورتو
