اسلام آباد: اليڪشن ڪميشن عمران خان، اسد عمر ۽ فواد چوڌري جا پيش نه ٿيڻ تي گرفتاري وارنٽ جاري ڪري ڇڏيا. اليڪشن ڪميشن جي ميمبر نثار دراني جي سربراهي ۾ 4 رڪني بينچ عمران خان، اسد عمر ۽ فواد چوڌري خلاف توهين عدالت ڪيس جي ٻڌڻي ڪئي.
اليڪشن ڪميشن تحريڪ انصاف چيئرمين ۽ پارٽي اڳواڻن جي حاضري کان ڇوٽ واري درخواست تي محفوظ ڪيل فيصلو ٻڌائي ڇڏيو. اليڪشن ڪميشن عمران خان، اسد عمر ۽ فواد چوڌري جي حاضري کان ڇوٽ واري درخواست رد ڪندي ٽنهي جا ضمانٽ جوڳا وارنٽ جاري ڪري ڇڏيا. اليڪشن ڪميشن ڪيس جي وڌيڪ ٻڌڻي 17 جنوري تائين ملتوي ڪري ڇڏي.
