ڪراچي: صوبائي وزير شرجيل ميمڻ ۽ سنڌ حڪومت جي ترجمان، ڪراچي جي ايڊمنسٽريٽر مرتضيٰ وهاب پاران سيوهڻ روڊ حادثي تي افسوس جو اظهار ڪيو ويو آهي، صوبائي وزير شرجيل انعام ميمڻ چيو آهي ته سنڌ جي وڏي وزير واقعي جو نوٽيس ورتو آهي، ضلعي انتظاميا ۽ پوليس کي هدايتون به ڏنيون ويون آهن، سيوهڻ انسٽيٽيوٽ آف هيلٿ سائنسز ۾ ايمرجنسي لاڳو ڪئي وئي آهي، جيئن زخمين جو فوري طور بهتر علاج ٿي سگهي، ايڊمنسٽريٽر ڪراچي ۽ سنڌ حڪومت جي ترجمان مرتضيٰ وهاب افسوس ظاهر ڪندي چيو آهي ته حادثي جي مڪمل جاچ ڪئي ويندي.
