مفتاح اسماعيل 24 اپريل تائين آءِ ايم ايف اختيارين سان ڳالهيون ڪندو، بجلي ۽ پيٽرول جي قيمتن ۾ رعايت وٺڻ جي ڪوشش ڪئي ويندي آءِ ايم ايف سان ڪيل واعدا ڄاڻي واڻي ٽوڙيا ويا ناڻي جي وفاقي وزير مفتاح اسماعيل چيو آهي ته گذريل حڪومت عالمي مالياتي اداري سان ڪيل ڪجهه واعدا ڄاڻي واڻي ٽوڙيا ۽ ڪجهه واعدا نااهلي ڪري ٽوڙيا، لنڊن ۾ ميڊيا سان ڳالهائيندي مفتاح اسماعيل چيو آهي ته پاڪستان ۾ مهانگائي دُنيا ۾ ٽئين نمبر تي آهي، بچاءُ واري وزير خواجه آصف چيو آهي ته عمران خان آءِ ايم ايف سان پاڪستان جي خودمختياري جو سودو ڪيو، اسٽيٽ بينڪ جي خودمختياري جو قانون ريورس ڪيو ويندو، اسٽيٽ بينڪ جي گورنر جو مدو پورو ٿيڻ وارو آهي، سندس خدمتون وڌيڪ گهربل ناهن
