تحريڪ انصاف جي مرڪزي اڳوان اڳوڻي خيبرپختونخوا جي وڏي وزير پرويز خٽڪ چيو آهي ته اليڪشن جي ڳالهه ٿيندي ته ڳالهه ٻولهه جي ٽيبل تي ويهنداسين
پاڪستان تحريڪ انصاف جي چيئرمين عمران خان سان ملاقات بعد ڳالهه ٻولهه ڪندي پرويز خٽڪ جو چوڻ آهي ته حڪومت سان فلحال ڪنهن به سطح تي ڪا به ڳالهه ٻوله نه ٿي رهي آهي
پرويز خٽڪ چيو ته ڪهڙي اسيمبلي پهريون ٽوڙڻي آهي اهو فيصلو عمران خان ڪندو، تحريڪ انصاف هر وقت اليڪشن لاءِ تيار آهي، هن چيو ته پرويز الاهي سان ملاقات ٿي آهي، هو سمورا وعدا پورا ڪندو
اڳوڻي وڏي وزير جو چوڻ آهي ته وڏو وزير اسان سان گڏ آهي، اسيمبلي ٽوڙينداسين، پارٽي ۾ ڪو به اختلاف ناهي، سڀ عمران خان سان گڏ بيٺا آهن
پرويز خٽڪ جو وڌيڪ چوڻ آهي ته ڪي پي ڪي ۾ ميمبرن جي ناراضگي جون خبرون ڪوڙيون آهن، پنجاب ۾ به سڀ ميمبر چيئرمين عمران خان جي بيانيي سان گڏ آهن