سنڌ حڪومت ٻوڏ متاثرن کي نوان گهر ٺاهي ڏيڻ ۾ مدد ڪندي، متاثرن کي رهائش فراهم ڪرڻ سنڌ سرڪار جي پهرين اوليت آهي،“ اطلاعات جي صوبائي وزير شرجيل انعام ميمڻ چيو آهي ته ڪراچي جي پنجن ضلعن جي 32 رليف ڪئمپن ۾ 16هزار 104 برسات متاثر موجود آهن جن کي تيار ٿيل کاڌو، پيئڻ جو صاف پاڻي ۽ صحت جون سهولتون فراهم ڪيون پيون وڃن، اوڀر ضلعي ۾ قائم 15 رليف ڪئمپن ۾ 8هزار 476 ، اولهه ضلعي جي 6 ڪئمپن ۾ 3 هزار 812 متاثر، ڪورنگي جي هڪ ڪئمپ ۾ 408 ۽ ملير جي 9 رليف ڪئمپن ۾ 3 هزار 288 متاثر موجود آهن، ڪياماڙي ضلعي ۾ 1رليف ڪئمپ آهي جتي 120 متاثر موجود آهن
