پاڪستان جي نامياري ڳائڻي نَيَرا نـُور 72 ورهين جي ڄمار ۾ ڪراچيءَ ۾ لاڏاڻو ڪري وئي

ناليواري ڳائڻي نَـيَره نـُور ڪراچي ۾ لاڏاڻو ڪري وئي، سندس جناز نماز ڪراچي ڊفينس جي امام بارگاهه يثرب ۾ ادا ڪئي وئي ويندي، خانداني ذريعن موجب سندس تدفين ڊي ايڇ اي فيز 8 جي قبرستان ۾ ٿيندي، وزير اعظم شهباز شريف، سڌ سماءَ واري وفاقي وزير مريم اورنگزيب، پنجاب جي وڏي وزير پرويز الاهي پاران نَـيَره نـُور جي لاڏاڻي تي ڏُک جو اظهار

، وزير اعظم چيو آهي ته سندس لاڏاڻي سان جيڪو خال پيدا ٿيو آهي اهو ڪڏهن به ڀرجي نه سگهندو، نَـيَره نـُور پنهنجي آواز ۾ ترنم ۽ سوز جي ڪري خاص سڃاڻپ رکندي هُئي