سنڌ جي مختلف شهرن ۾ ساهيءَ ساهيءَ سان مِينهن وَسڻ جو سلسلو جاري، ڪراچي، لاڙڪاڻي، سکر، ميرپورخاص ۽ عمرڪوٽ سميت مختلف علائقن ۾ ڪٿي تيز ته ڪٿي هلڪي برسات، موسمياتي کاتي پاران ڪراچي ۾ شهري ٻوڏ جو خدشو ظاهر، رات 11هين وڳي تائين برسات جو سلسلو جاري رهڻ جي اڳڪٿي، ڀان سيد آباد،بوزدار وڏا ۽ ٽنڊي رحيم سميت مختلف شهرن ۾ تيز برسات کانپوءِ گوڏي جيڏو پاڻي بيهي ويو، جوهي ۽ هڱورجا ۾ تيز برسات سبب گهر جي ڀِت ڪِرڻ سبب 2 ٻارڙا فوت، ڪاڇي جي مختلف علائقن ۾ برسات کانپوءِ نيون وهي آيون، سوين ڳوٺن جو شهرن سان زميني رابطو ڪٽجي ويو، انتظاميا غائب،بلوچستان ۾ برساتن سبب تباهي، مختلف واقعن ۾ 42 ڄڻا فوت، چوماسي جي برساتن دوران فوتگين جو انگ 80 تائين پهچي ويو، زوب ويجهو پاڪ افغان سرحدي علائقي ڪاڪڙ خراسان ۾ ڊيم ٽٽي پوڻ سبب وڏي پيماني تي آبادي پاڻي هيٺ، ٻوڏ متاثر علائقن ۾ مقامي انتظاميا ۽ پي ڊي ايم اي عارضي ڪيمپون قائم ڪري ڇڏيون
