اسٽيبلشمينٽ کان پيغام اچي رهيا آهن پر آئون ڪنهن سان نه پيو ڳالهايان، مون اُنهن ماڻهن جا نمبر بلاڪ ڪري ڇڏيا آهن،جيستائين اليڪشن جو اعلان نه ٿو ٿئي تيسين ڪنهن سان ڳالهه نه ٿيندي،“ پي ٽي آءِ چيئرمين عمران خان چيو آهي ته شهباز شريف کان سواءِ به ڪردار مير جعفر ۽ مير صادق آهن، اڃا اُنهن ڪردارن جا نالا کڻڻ جو وقت ناهي آهيو، وقت اچڻ تي اُنهن ڪردارن جا نالا وٺندس، جن ماڻهن کي آندو ويو، اُن کان بهتر هو ته پاڪستان تي ايٽم بم ڪيرايو وڃي ها، نيوٽرلز کي ٻڌايو هو ته معيشت مشڪل سان مستحڪم ٿي آهي، مقتدر ڌريون چاهين پيون ته عثمان بزدار کي وڏ وزارت تان هٽايو وڃي، اسٽيبلشمينٽ سان عثمان بزدار ۽ جنرل فيض حميد جي معاملي تي عدم اتفاق هو، هُن چاهيو پئي ته جنرل فيض سردين تائين ڊي جي آءِ ايس آءِ رهي.
