ڪراچي (ڊيسڪ رپورٽ) مائڪروسافٽ جو باني بل گيٽس پاڪستان جي هڪ ڏينهن جي دوري تي اسلام آباد پهچي ويو آهي، ذريعن موجب بل گيٽس پاڪستان جي صدر ڊاڪٽر عارف علوي ۽ وزيراعظم عمران خان سان ملاقاتون ڪندو
ذريعن جو چوڻ آهي ته بل گيٽس ڪرونا جي حوالي سان قائم چڪ شهزاد ۾ اسپتال جو دورو ڪيو، بل گيٽس اين سي او سي هيڊ ڪوارٽر جو به دورو ڪندو
ذريعن جو چوڻ آهي ته بل گيٽس کي پاڪستان ۾ ڪورونا ۽ پوليو جي روڪٿام بابت قدمن تي بريفنگ ڏني ويندي جنهن بعد مائڪروسافٽ جو باني بل گيٽس اڄ شام ئي واپس هليو ويندو