پيپلز پارٽي جي چيئرمين بلاول ڀٽو زرداري چيو آهي ته اقتدار جي منتقلي وارو عمل جلد مڪمل ڪيو وڃي. قومي اسيمبلي جي اجلاس کي خطاب ڪندي بلاول ڀٽو زرداري چيو ته گذريل مهيني ۽ ڪجهه ڏينهن کان اسيمبلي کان مذاق ڪيو ويو، پارليامينٽ جي توهين ٿيندي رهي.آئين سان جنهن طريقي کيڏيو ويو ان سان جڳ کليو ۽ سموري دنيا ۾ پاڪستان جي بدنامي ٿي.بلاول ڀٽو زرداري چيو ته سليڪٽيڊ کي ڪيرايو ويو هاڻ ملڪ ۾ اتحادي حڪومت آهي، جيڪا عوام جي واحد اميد آهي.پيپلز پارٽي چيئرمين چيو ته ڪا به اهڙي طاقت نه آهي جيڪا پاڪستان جي ترقي کي روڪي سگهي، گذريل ڪجهه ڏينهن کان پاڪستان جي اميج کي نقصان پهچايو ويو.بلاول ڀٽو زرداري چيو ته ”سڀ پارٽيون وزيراعظم ڏانهن ڏسي رهيون آهن، گذريل ڪجهه ڏينهن کان ايوان جو مذاق اڏايو ويو،“ پيپلز پارٽي جي چيئرمين بلاول ڀٽو زرداري قومي اسيمبلي ۾ خطاب ڪندي چيو آهي ته ادارا تڪراري بڻجڻ بدران آئيني بڻجن، بلاول ڀٽو زرداري بلقيس ايڌي جي لاڏاڻي تي قومي اسيمبلي ۾ تعزيتي قرارداد به پيش ڪئي
