بالي ووڊ جي بادشاهه شاهه رخ خان فلم ”پٺاڻ“ جي وڏي ڪاميابي کانپوءِ پنهنجي نئين فلم ”جوان“ جي شوٽنگ شروع ڪري ڇڏي آهي. شاهه رخ خان جون فلم ”جان“ جي سيٽ تي ورتل تصويرون سوشل ميڊيا تي وائرل ٿي ويون آهن.
شاهه رخ خان جي وائرل ٿيل تصويرن ۾ ڏسي سگهجي ٿو ته هن جو اڌ منهن بندن سان ڍڪيل آهي. شاهه رخ خان جي تصويرن تي مداحن دلچسپ تبصرا ڪيا. هڪ سوشل ميڊيا صارف چيو ته پٺاڻ هاڻي جوان ٿي ويو آهي، جڏهن ته هڪ ٻئي صارف چيو ته بادشاهه هاڻي نه روڪيندو. شاهه رخ خان جي فلم ”جان“ هلندڙ سال جون ۾ رليز ٿيندي. شاهه رخ خان جي فلم ”پٺاڻ“ سڄي دنيا ۾ رليز جي 6 ڏينهن ۾ 600 ڪروڙ کان وڌيڪ ڪمائي ورتي آهي.
