پبلڪ اڪائونٽس ڪميٽي سپريم ڪورٽ ڊيم فنڊ بابت تفصيل فراهم نه ڪرڻ تي چيف جسٽس آف پاڪستان کي خط لکڻ جو فيصلو ڪري ورتو
اجلاس دوران آڊيٽر جنرل آف پاڪستان طرفان ڪميٽي کي آگاهه ڪيو ويو ته سپريم ڪورٽ جي اختيارين فنڊ جا تفصيل فراهم ناهن ڪيا
ڪميٽي فيصلو ڪيو ته رجسٽرار آفيس طرفان سپريم ڪورٽ ڊيم فنڊ جا تفصيل فراهم نه ڪرڻ تي چيف جسٽس آف پاڪستان جسٽس عمر عطا بنديال کي خط لکيو ويندو
پي اي سي جي هدايتن تي ڪميٽي جي سيڪريٽري ان کان اڳ سپريم ڪورٽ جي رجسٽرار کي خط لکي ڊيم فنڊ جا تفصيل طلب ڪيا هئا پر اهي فراهم نه ڪيا ويا
آڊيٽر جنرل آف پاڪستان طرفان پي اي سي کي ٻڌايو ويو ته هر هر پڇڻ باوجود فنڊ جا تفصيل فراهم نه پيا ڪيا وڃن، ان کان اڳ پي اي سي اڳوڻي چيف جسٽس ثاقب نثار کي خط ذريعي اجلاس ۾ طلب ڪري چڪي آهي پر هو به نه آيوهو
پي اي سي آڊيٽر جنرل کان پڇاڻو ڪيو هو ته ڊيم فنڊ ۾ ڪُل ڪيتري رقم گڏ ٿي، اهي فنڊ ڪيئن استعمال ڪيا ويا؟ سمورا تفصيل لاڳاپيل اختيارين کان وٺي ڪميٽي کي ٻڌايو
