اسلام آباد: قومي احتساب بيورو (نيب) نواز ليگ جي نائب صدر مريم نواز ۽ سندس مڙس ڪيپٽن رٽائرڊ صفدر جي بريت کي چيلنج نه ڪرڻ جو فيصلو ڪيو آهي. نيب اسلام آباد هاءِ ڪورٽ طرفان مريم نواز ۽ ڪيپٽن رٽائرڊ صفدر جي ايون فيلڊ ريفرنس ۾ بريت کي چيلنج نه ڪرڻ جو فيصلو ڪيو آهي.
پراسيڪيوشن برانچ کي به نيب جي فيصلي کان آگاهه ڪيو ويو آهي ۽ ان حوالي سان نيب طرفان پراسيڪيوشن برانچ کي موڪليل خط به سامهون آيو آهي. نيب راولپنڊي مريم نواز ۽ ڪيپٽن رٽائرڊ رصفدر جي بريت خلاف اپيل داخل نه ڪرڻ جو تحريري حڪم جاري ڪري ڇڏيو آهي.
ياد رهي ته اسلام آباد هاءِ ڪورٽ 29 سيپٽمبر 2022 تي ايون فيلڊ ريفرنس ۾ مريم نواز کي 7 سال قيد جي سزا کي ڪالعدم قرار ڏيندي کيس بري ڪرڻ جو حڪم جاري ڪيو هو.
